اليوم مسويتلكم حلوو لذيييذ و بسيط .. و ما ياخذ وقت و بنفس الوقت يبيض الويه بالشكل و الطعم ..
نبدي معاكم ..
مقادير كرات البسكوت :
1 قيمر كي دي دي 250 مل
1 و نص بسكوت دايجستف كبير
3 فليك ..
مقادير الصلصة :
1 قيمر كي دي دي 250 مل (لاحظوا القيمر مخلص - عقب ما حطيته بالخلاط ذكرت إني بصور )
1 حليب نستله محلى كبير
6 حبات جبن كيري
صوص كاكاو للتزيين
أعواد أسنان + أي خرز او لولو تحبين تزينين فيه الأعواد .. انا ماخذتهم من زمان من بركات خشب حلوين نفس لون الاعواد ..
نبدي بالطريقة :
نطحن البسكوت + الفليك و ننعينه مع القيمر.. راح يتماسك معاج جذي..
عقبها نشكله على كرات صغيرة و نصه بالماعون او صحن التقديم .. و يفضل يكون فيه عمق شوي علشان الصلصة ..
مثل الصورة ..
صورة أقرب
نحط مقادير الصلصة بالخلاط و يفضل يكون الكيري بره الثلاجه لفتره علشان لا يتكتل..
و نصبها بقفشه فوق كرات البسكوت .. و نزينها بصوص الكاكاو و نقززها بالأعواد لتسهيل عملية التقديم .. و هذا الشكل النهائي..
السلام عليكم اجمعين ....والله كل يوم افتح مواضيعي بس علشان اشوف الردود ومشكورين كل الي يمرون او يردون علي وانا ممنونه بس ردود خرابيط تونس وتشوق وايد بنزل مواضيع واب بعد ردود طبعا من الكل ولا بزعل بس خرابيط غييييير
كرات البسكوت انا كويتي
) 
الحلا كله والزين جامعته خرابيط
كرات البسكوت اناكويتي
العرض العادي
